Վրաստանի ներքին գործերի փոխնախարար Ալեքսանդր Դարախվելիձեն հայտարարել է, որ այն հայտարարությունը, թե ՆԳՆ-ն չի աշխատել հուլիսի 5-ի գործի որևէ մասի կամ ուղղության վրա, ճիշտ չէ։

Նրա խոսքով, երբ խոսքը քրեական պատասխանատվության մասին է, անձին մեղադրանք առաջադրելու համար պետք է լինեն բավարար ապացույցներ:

Բացի այդ, ինչպես նշել է Դարախվելիձեն, ոստիկանությունը հուլիսի 5-ի գործով արել է հնարավորը, և մարդիկ պատասխանատվության են ենթարկվել։

«Մենք քննել ենք 12 տարբեր քրեական գործեր, հավաքել ենք ավելի քան 1000 ապացույց, 31 մարդ ենթարկվել է պատասխանատվության, 100-ից ավելի մարդ կալանավորվել է վարչական կարգով, ավելի քան 50 մարդ տուժել է, 300-ից ավելի վկաներ հարցաքննվել են։ Ոստիկանությունն արել է հնարավորը, և որտեղ բավարար ապացույցներ ու չափորոշիչներ են հաստատվել, այդ մարդիկ ենթարկվել են պատասխանատվության։ Նրանց նկատմամբ դատարանը մեղադրական դատավճիռ է կայացրել։ Դատավճիռներ են կայացվել բոլոր այն անձանց նկատմամբ, ում մենք և դատախազությունը ներկայացրել ենք դատարան։

Այն հայտարարությունը, թե ՆԳՆ-ն հուլիսի 5-ի գործի որեւէ մասով կամ ուղղությամբ չի աշխատել, ճիշտ չէ։ Երբ մենք խոսում ենք քրեական պատասխանատվության մասին, մարդուն մեղադրանք առաջադրելու համար պետք է լինեն բավարար ապացույցներ»,- ասել է Ալեքսանդր Դարախվելիձեն։