Ալբանիայում ավերիչ երկրաշարժի զոհերի թիվը գերազանցել է 30-ը
11:42, 28.11.2019
Ալբանիայում ավերիչ երկրաշարժի զոհերի թիվը գերազանցել է 30-ը: Վերջին տվյալներով, զոհվել է 31 մարդ:
Ալբանիայի Տիրանա մայրաքաղաքի մերձակայքում նոյեմբերի 26-ին տեղի էր ունեցել 6,4 մագնիտուդ ուժգնությամբ երկրաշարժ: Աղետն ամենաշատը վնասել է առափնյա Դուրես քաղաքը:
Երկրաշարժի հետևանքով տուժել է 650 մարդ: Մինչ այժմ անհետ կորած է համարվում 20 անձ, 2500 մարդ ստիպված լքել է իր տունը:
Երեկ երեկոյան Ալբանիայում տեղի է ունեցել ևս մեկ երկրաշարժ, որի ուժգնությունը կազմել է 5,5 մագնիտուդ:
