Տարբեր ժամանակներում իրականացված օպերատիվ միջոցառումների և քննչական գործողությունների արդյունքում, ՆԳՆ Աջարիայի ոստիկանության դեպարտամենտի աշխատակիցները ձերբակալել են օտարերկրյա քաղաքացիներ՝ 2004 թվականին ծնված Գ.Ու.-ին և 1993 թվականին ծնված Վ.Ու.-ին՝ թմրանյութերի խոշոր և առանձնապես խոշոր չափերի ապօրինի ձեռքբերմանը, պահպանմանը և վաճառքին նպաստելու մեղադրանքով։

ՆԳՆ-ի տվյալներով՝ հանցագործությունը պատժվում է մինչև 20 տարի կամ ցմահ ազատազրկմամբ։

«Մեղադրյալների անձնական, բնակելի տների և մեքենաների խուզարկությունների ժամանակ իրավապահ մարմինների աշխատակիցները տարբեր վայրերից որպես ապացույց առգրավել են նաև վաճառքի համար պատրաստված խոշոր և առանձնապես խոշոր չափերի թմրանյութեր, այդ թվում՝ «Ալֆա ՊՎՊ», «կոկաին» և չորացրած «մարիխուանա»։

Ոստիկանությունը նաև առգրավել է թմրանյութերի փաթեթավորման համար անհրաժեշտ նյութեր։

«Քննությունը շարունակվում է Վրաստանի քրեական օրենսգրքի 260-րդ և 260-4-րդ հոդվածներով», – ասվում է ՆԳՆ-ի հայտարարության մեջ։