Աջարիայի գերագույն խորհուրդը հաջորդ լիագումար նիստին որոշում կկայացնի «Ազգային շարժման» կուսակցական ցուցակով ընտրված վեց պատգամավորների մանդատը դադարեցնելու մասին:

Աջարիայի գերագույն խորհրդի բյուրոն հարցը ներառեց առաջին լիագումար նիստի օրակարգ: Գերագույն խորհրդի նախագահ Դավիթ Գաբաիձեն ասում է, որ մեծամասնությունը դեռ որոշում չի կայացրել:

«Դա առաջին իսկ լիագումար նիստին կդրվի որպես առաջին հարց: Քվեարկությունից մեկ օր առաջ մենք կունենանք մեծամասնության ժողով և կքննարկենք: Կլինի ազատ քվեարկություն, և յուրաքանչյուրը որոշում կկայացնի իր հայեցողությամբ», – ասաց Դավիթ Գաբաիձեն:

«Ազգային շարժում-Միացյալ ընդդիմության» ցուցակից ընդհանուր առմամբ յոթ պատգամավոր է ընդգրկվել Աջարիայի Գերագույն խորհրդում: Նրանցից վեցը հրաժարական են տալիս: Ընդդիմությունից գերագույն խորհուրդ է մտել միայն Իրակլի Չավլեիշվիլին: