Աջարիայի գերագույն խորհրդի արտահերթ նիստին աղմուկ էր: «Միացյալ ազգային շարժման» ու «Վրացական երազանքի» պատգամավորները բախվեցին միմյանց:

«Միացյալ ազգային շարժման» անդամ Գիորգի Կիրթաձեն «Վրացական երազանքի» անդամ Վլադիմեր Մգալոբլիշվիլիին անվանել է անդաստիարակ, ինչը գրգռում է առաջացրել «Վրացական երազանքի» կողմից:

«Դուք անտաղանդ թուլամորդ եք: Մենք սկզբից մինչև վերջ լսեցինք անիմաստ ելույթը: Բյուջեից փող են գողանում: Բազմաթիվ հարցեր կան տալու: Աուդիտի ծառայությունը հետաքննություն է սկսել մեր հարցերի մեծ մասի վերաբերյալ: Ես չեմ պատրաստվում վիճաբանել, մենք պատրաստվում ենք բացահայտել, որտեղ փող կգողանան», – ասաց Գիորգի Կիրթաձեն:

Իր հերթին, «Վրացական երազանքի» անդամ Վլադիմեր Մգալոբլիշվիլին խնդրեց «Միացյալ ազգային շարժման» անդամ Գիորգի Կիրթաձեին լքել նիստը և հարցերը պարզել դրսում:

«Նրանք ժամանակին հայտարարություն արեցին, որ ով մտնում է Գերագույն խորհուրդ, դա կլինի դավաճան և ՊԱԾ-ի գործակալ: Հարցրի՝ դավաճան եք, թե՞ գործակալ, եթե եկել եք այստեղ: Իրականում նրանց հայտարարությունները մեկնաբանելուն ու հիշեցնելուն հետևեց գրգռվածություն: Երբ ինչ-որ բան ես ասում, պետք է մտածես, քանի որ հետագայում քեզ այդ մասին կհիշեցնեն», – ասաց Վլադիմեր Մգալոբլիշվիլին:

Նիստին աղմուկի պատճառով հայտարարվեց ընդմիջում: