Վրաստանի արտաքին գործերի նախարարությունն արձագանքում է ՄԱԿ-ի Մարդու իրավունքների խորհրդի հատուկ քննարկման շրջանակներում ընդունված բանաձեւին եւ այդ մասին գրում է սոցցանցում։

«Վրաստանը միացել է ՄԱԿ-ի Մարդու իրավունքների խորհրդի բանաձևին, որը վերաբերում է «Ռուսաստանի ագրեսիայի հետևանքով Ուկրաինայում մարդու իրավունքների վիճակին», որն ընդունվել է հատուկ բանավեճի արդյունքում և որը ևս մեկ անգամ ընդգծում է Ուկրաինայում հումանիտար սարսափելի իրավիճակը։ Մենք կանգնած ենք Ուկրաինայի կողքին»,- ասվում է գերատեսչության «Twitter»-ում հրապարակված հայտարարության մեջ։

Արտաքին գործերի նախարարության փոխանցմամբ՝ Մարդու իրավունքների խորհուրդը բանաձեւում խստորեն դատապարտում է մարդու իրավունքների խախտումները, որոնք առաջացել են Ուկրաինայի դեմ ռուսական ագրեսիայի հետեւանքով։

Գերատեսչության տվյալներով՝ բանաձեւը վերահաստատում է իր ամուր հավատարմությունը Ուկրաինայի ինքնիշխանությանը, քաղաքական անկախությանը եւ տարածքային ամբողջականությանը նրա միջազգայնորեն ճանաչված սահմաններում։

«Միևնույն ժամանակ նա կոչ է անում Ռուսաստանին անհապաղ դուրս բերել իր զորքերը և Ռուսաստանի կողմից աջակցվող զինված խմբավորումները միջազգայնորեն ճանաչված Ուկրաինայի տարածքից:

«Հետաքննող հանձնաժողովի մանդատը ներառում է մարդու իրավունքների և միջազգային մարդասիրական իրավունքի խախտումների և հարակից հանցագործությունների հետաքննություն, ինչպես նաև դրանց պատճառների բացահայտում Ուկրաինայի դեմ Ռուսաստանի Դաշնության կողմից շարունակվող ագրեսիայի համատեքստում», – ասվում է ԱԳՆ հայտարարության մեջ: