Agile Spirit 2021-ի շրջանակներում անցկացվել է վրաց-ուկրաինական համատեղ դաշտային վարժանք:

Պաշտպանության նախարարությունից հայտնում են, որ հարյուրյակի մակարդակով զորավարժություններ են անցկացվել Ախալցխայի «Օրֆոլո» զորավարժարանում: Վրաստանի Պաշտպանության բանակի 3 -րդ հետեւակային բրիգադի 31-րդ գումարտակի զինծառայողները եւ Ուկրաինայի ծովային հետեւակային առանձին գումարտակի դեսանտային մարտական ​​ստորաբաժանումը հակագրոհային գործողություն են իրականացրել:

«Ըստ իմիտացված սցենարի, վրացի և ուկրաինացի զինվորականների խնդիրն էր հակահարձակվել և չեզոքացնել հակառակորդին, բժշկական տարհանում, ինչպես նաև նահանջ և հավաքման տարածքի զբաղեցում: Զորավարժություններին ներգրավվել են ինժեներական, հրետանային, տանկային և զրահատանկային մարտական ​​մեքենաների բաղադրիչներ, այդ թվում՝ վրացական զրահամեքենաներ: Համատեղ վարժանքների նպատակը ստորաբաժանումների միջև մարտավարական մակարդակով փոխհամատեղելիության բարձրացումն էր, բազմազգ միջավայրում գործողությունների պլանավորման և իրականացման ընթացքում գործառնական կարողությունների կատարելագործումը և ամրապնդումը:

Agile Spirit 2021-ը ակտիվ փուլում է: ՆԱՏՕ -ի անդամ և գործընկեր 15 երկրներ ներգրավված են բազմազգ զորավարժություններին: Զորավարժությունների հրամանատարաշտաբային մասն արդեն ավարտված է, իսկ դաշտային վարժանքները Օրֆոլոյի վարժարանում կփակվեն օգոստոսի 6-ին՝ ցուցադրական վարժանքներով»,- հայտնել են ՊՆ-ից: