Աֆղանստանի մայրաքաղաք Քաբուլում այսօր առավոտյան տեղի ունեցած պայթյունի շարքին զոհ է գնացել իննը լրագրող: Տուժել է մամուլի ևս մի քանի ներկայացուցիչ: Զոհվածների միջև են՝ France-Presse-ի լուսանկարիչը և ազատություն ռադիոկայանի լրագրողները:
«Տոլո նյուս» գործակալությունը հրապարակել է զոհված լրագրողների ցուցակը:
- Աբդուլա Հանանզայ – ազատություն ռադիոկայան
- Մոհարամ Դուրան – ազատություն ռադիոկայան
- Սաբավուն Քաքար – ազատություն ռադիոկայան
- Ղազի Ռասուլ – Աֆղանստանի առաջին ալիքի թղթակից
- Նովրոզ Ալի Ռաջաբ – Աֆղանստանի առաջին ալիքի օպերատոր
- – Աֆղանստանի TOLOnews լրատվական գործակալության օպերատոր
- Ալի Սալեեմի – Mashal Tv-ի լրագրող
- Սալեեմ Տալաշ – Mashal Tv-ի լրագրող
- Շահ Մարայ – France-Presse-ի լուսանկարիչ
Քաբուլում երկու պայթյունը տեղի է ունեցել այսօր առավոտյան, 20 րոպեյվա տարբերությամբ: Երկու հարձակումն էլ իրականացրել են մահապարտ ահաբեկիչները:
Երկրորդ պայթյունը տեղի է ունեցել այն ժամանակ, երբ լրագրողները հավաքվել էին լուսաբանելու առաջին պայթյունը:
Ընդհանուր առմամբ ահաբեկչություններին զոհ է գնացել 29 մարդ: Տուժածների թիվը հասել է 49-ի: Հարձակման պատասխանատվությունը ստանձնել է այսպես կոչված «իսլամական պետություն»-ը:
2017 թվականին, Աֆղանստանում մասնագիտական պարտականությունները կատարելու ժամանակ զոհվել է 21 լրագրող:
