Աֆղանստանում, մզկիթում տեղի ունեցած պայթյունի հետևանքով զոհվել է առնվազն 13 մարդ
17:27, 06.05.2018
Աֆղանստանում, մզկիթում տեղի ունեցած պայթյունի հետևանքով զոհվել է առնվազն 13 մարդ, ևս 39-ը՝ վիրավորվել: Պայթյունը տեղի է ունեցել, Աֆղանստանի արևելքում գտնվող Հոսթ նահանգում:
Ինչպես ասում են տեղական ոստիկանությունում, կեսօրյա աղոթքից հետո մարդիկ հավաքվել են մզկիթում, որը նաև օգտագործվում է ընտրողների գրանցման համար:
Դեռևս ոչ մի խմբավորում չի ստանձնել հարձակման պատասխանատվությունը:
Հիշեցնենք, Աֆղանստանում ընտրողների կենտրոնի վրա ապրիլ ամսին իրականացվել է մի քանի հարձակում: Աֆղանստանում խորհրդարանային ընտրությունները տեղի են ունենալու հոկտեմբերին:
