Այսօր Ադրբեջանում անցկացվում են արտահերթ նախագահական ընտրություններ։

Տեղական լրատվամիջոցների փոխանցմամբ՝ քվեարկության գործընթացն արդեն սկսվել է։

Լրատվամիջոցի փոխանցմամբ՝ ԿԸՀ տեղեկատվական կենտրոնը արդյունքների մասին նախնական տեղեկատվություն կհրապարակի ժամը 10:00-ին, 12:00-ին, 15:00-ին, 17:00-ին և 19:00-ին:

Ընտրություններին մասնակցում է յոթ թեկնածու, այդ թվում՝ գործող նախագահ Իլհամ Ալիևը։

Այս պահին ընտրողների ցուցակում գրանցված է ավելի քան վեց միլիոն մարդ։

Հիշեցնենք. Ադրբեջանի նախագահ Իլհամ Ալիևը հրամանագիր է ստորագրել ԱՀ արտահերթ նախագահական ընտրություններ հայտարարելու մասին։

Ադրբեջանում վերջին նախագահական ընտրությունները կայացել են 2018 թվականին, հետևաբար հաջորդ նախագահական ընտրությունները պետք է անցկացվեն 2025 թվականի ապրիլին։