Ադրբեջանի պաշտպանության նախարարությունը Հայաստանին մեղադրում է Քելբաջարի շրջանում կրակ բացելու մեջ, Հայաստանը հերքում է մեղադրանքը
Ադրբեջանի պաշտպանության նախարարությունը Հայաստանին մեղադրում է Քելբաջարի շրջանում կրակ բացելու մեջ, Հայաստանի պաշտպանության նախարարությունը հերքում է մեղադրանքը։
Բաքվում հայտարարում են, որ այսօր առավոտյան Հայաստանի զինված ուժերի ստորաբաժանումները մի քանի անգամ կրակ են բացել ադրբեջանական բանակի դիրքերի ուղղությամբ։ Նրանց տվյալներով՝ կիրառվել է տարբեր տրամաչափի զենքեր։
«Ձեռնարկված համարժեք պատասխան գործողությունների արդյունքում ադրբեջանական զինուժը ճնշել է հակառակորդի կրակը»,- ասվում է գերատեսչության հաղորդագրության մեջ։
Հայաստանի ՊՆ-ում պատասխան հայտարարություն է տարածվել: Գերատեսչության տվյալներով՝ Բաքվի տարածած տեղեկությունը չի համապատասխանում իրականությանը, իսկ հայ-ադրբեջանական սահմանին իրավիճակը կայուն է։