Ադրբեջանի նախագահ Իլհամ Ալիևի գրասենյակը տեղեկություն է հրապարակել Ուկրաինայի նախագահ Վոլոդիմիր Զելենսկու հետ հեռախոսազրույցի մասին։

Ինչպես նշվում է տեղեկատվության մեջ, երկու երկրների ղեկավարները քննարկել են երկկողմ համագործակցության հարցեր։

«Հեռախոսազրույցի ընթացքում պետությունների ղեկավարները քննարկել են տարածաշրջանային անվտանգության և էներգետիկայի, առևտրի և այլ ոլորտներում երկկողմ համագործակցության հարցեր։ Զրույցի ընթացքում նշվել է, որ հանձնարարականներ կտրվեն երկու երկրների համապատասխան կառույցների միջև համատեղ համագործակցության նախագծերի իրականացման համար»,- ասված է Ադրբեջանի նախագահի գրասենյակի հաղորդագրության մեջ։

Հեռախոսազրույցի մասին տեղեկությունը կիսվել է նաև Ուկրաինայի նախագահ Վոլոդիմիր Զելենսկին և նշել, որ Ադրբեջանի նախագահի հետ քննարկել է անվտանգության և համագործակցության հարցեր։