Այսօր Ադրբեջանի նախագահի աշխատակազմը հրապարակել է Սալոմե Զուրաբիշվիլիի շնորհավորանքը Իլհամ Ալիևին։

«Ձերդ գերազանցություն, վրաց ժողովրդի և անձամբ իմ անունից ցանկանում եմ շնորհավորել Ձեզ Ադրբեջանի Հանրապետության Նախագահի պաշտոնում վերընտրվելու կապակցությամբ։ Սրտանց մաղթում եմ հաջողություն և հաղթանակ Ձեր երկրի և ժողովրդի բարօրությանն ուղղված Ձեր անխոնջ ջանքերում։

Վստահ եմ, որ համատեղ ջանքերով մեր երկու եղբայրական երկրների միջև բարիդրացիական, բարեկամական հարաբերությունները և ռազմավարական գործընկերությունը նոր բարձունքի կհասցնենք։ Սա, անկասկած, կամրապնդի ինչպես Վրաստանի, այնպես էլ Ադրբեջանի դերը տարածաշրջանային կայունության և զարգացման գործում:

Ձերդ Գերազանցություն, ևս մեկ անգամ հաստատում եմ իմ խորին հարգանքը և մաղթում հաջողություններ Ձեր աշխատանքում, խաղաղություն և բարգավաճում եմ մաղթում Ադրբեջանի բարեկամ ժողովրդին»,- ասված է Սալոմե Զուրաբիշվիլիի նամակում։