Ադրբեջանը կտրականապես դատապարտում է Ֆրանսիայի Հանրապետության նախագահ Էմանուել Մակրոնի անհիմն մեղադրանքները և Հայաստանի միակողմանի պաշտպանության մասին նրա հայտարարությունները,- ասված է Ադրբեջանի արտաքին գործերի նախարարության հայտարարության մեջ։

Ադրբեջանի արտաքին գործերի նախարարության հայտարարության մեջ ասվում է, որ Ֆրանսիային, որը շուրջ 30 տարի չի խոսում իրենց տարածքներից վտարված և կոտորված ադրբեջանցիների ոտնահարված իրավունքների մասին, բացարձակապես անտեղի է խոսել իրենց իրավունքների և անվտանգության մասին։ Հայերը, ովքեր ինքնակամ և առանց բռնության լքել են Ադրբեջանի տարածքները:

«Ավելի լավ կլիներ, եթե ֆրանսիական կողմը, որը Ալմաթիի հռչակագրի և որոշ քարտեզների շրջանակներում շոշափեց տարածքային ամբողջականության կարևորությունը, բացատրեր, թե ինչու չխոսեց Հայաստանի գրեթե 30-ամյա ագրեսիայի և ադրբեջանական տարածքների օկուպացիայի, ինչպես նաև Հայաստանի կողմից Ադրբեջանի ութ գյուղերի ներկայիս օկուպացիայի մասին: Անընդունելի է Հայաստանին քննադատելու փոխարեն Ադրբեջանին անհամաչափ պատասխան քայլերի մեջ մեղադրելը, երբ Հայաստանը, առանց որևէ սադրիչ գործոնների, խախտեց գրեթե հինգ ամիս տեւած կայունությունը։ Պետք է դադարեցնել նման կողմնակալ մոտեցումները։ Եվս մեկ անգամ հայտարարում ենք, որ Ֆրանսիայի նենգ քաղաքականությունը, որի նպատակն է նոր լարվածություն ստեղծել տարածաշրջանում, ինչպես նաև խոչընդոտ ստեղծել խաղաղության և կայունության համար, արդյունք չի տա»,- ասված է հայտարարության մեջ։

Ֆրանսիայի նախագահ Էմանուել Մակրոնը Հայաստանի վարչապետ Նիկոլ Փաշինյանի հետ հանդիպման ժամանակ ասել է, որ դատապարտում է Հայաստանի կողմից սահմանային հատվածում բացված կրակը, սակայն Ադրբեջանի պատասխանն անհամաչափ էր։