Ադրբեջանի արտաքին գործերի նախարարությունը Ֆրանսիայի նախագահ Էմանուել Մակրոնին մեղադրում է Հարավային Կովկասում խաղաղ գործընթացի նկատմամբ կողմնակալության մեջ։

Ըստ Ադրբեջանի արտաքին գործերի նախարարության հայտարարության, Էմանուել Մակրոնի հայտարարությունները ՄԱԿ-ի Գլխավոր ասամբլեայում իր ելույթի ժամանակ, թե «Ֆրանսիան Հայաստանի կողքին է Հայաստանի վրա Ադրբեջանի ճնշման և տարածքային պահանջների պայմաններում», Ֆրանսիայի կողմնակալության հայամետ մոտեցման ևս մեկ օրինակ է:

«Անընդունելի է, որ Հայաստանին ռևանշիզմի նախապատրաստող եւ այս երկրին լայնածավալ սպառազինություն իրականացնող Ֆրանսիան ադրբեջանական կողմին մեղադրում է ճնշման մեջ։ Հայաստանը ներկայացնելով որպես խաղաղասեր զոհ երկիր, որը գրեթե 30 տարի օկուպացրել էր Ադրբեջանի տարածքները, վտարել է գրեթե մեկ միլիոն ադրբեջանցիների իրենց հայրենիքից, իրականացրել զանգվածային սպանություններ և հանցագործություն մարդկության դեմ, անտեսել է հարյուր հազարավոր ադրբեջանցիների վերադարձի իրավունքը, ովքեր զանգվածաբար արտաքսվել են Հայաստանի տարածքից, ցույց է տալիս, թե որքան անարդար է Ֆրանսիայի քաղաքականությունը: Մենք պահանջում ենք դադարեցնել Ֆրանսիայի ապակառուցողական գործունեությունը, որի արտաքին քաղաքականությունը ձախողվել է աշխարհի շատ մասերում, մեր տարածաշրջանում», – ասել է Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեն։