Ադրբեջանը ԱՄՆ նկատմամբ խիստ դժգոհություն է հայտնել:
Ինչպես հայտնում է haqqin.az-ը, Ադրբեջանում ԱՄՆ դեսպան Ռոբերտ Սեկուտան կանչվել է Ադրբեջանի ԱԳՆ, որտեղ նրան բողոքի նոտա է փոխանցվել:
Նշենք, որ նոտայի փոխանցումը պայմանավորված է ԱՄՆ չճանաչված Լեռնային Ղարաբաղի առաջնորդ Բակո Սահակյանի այցով:
«ԱՄՆ այս քայլը լուրջ վնաս է հասցնում բանակցությունների գործընթացին, ծառայում է տարածաշրջանում լարվածության աճին և վնաս է հասցնում խաղաղության ու անվտանգության ապահովման շարունակական ջանքերին: ԱՄՆ-ն նման կարգի քայլով լուրջ հարված է հասցրել իր նկատմամբ ադրբեջանցի ժողովրդի և հասարակական կարծիքի վերաբերմունքին: ԱՄՆ նման պահվածքին ի պատասխան Ադրբեջանը համարժեքորեն կհենվի փոխադարձության սկզբունքի վրա»,- նշել է Հաջիևը:
Հեղինակ -
Edgar Barsegyan