Ադրբեջանական կողմի հետ նախատեսում ենք համատեղ պայքարել հերոինի թրաֆիկի դեմ,- այս մասին հայտարարել է Վրաստանի փոխվարչապետ, ներքին գործերի նախարարի Գիորգի Գախարիան՝ Բաքվում ադրբեջանցի գործընկերոջ, Ռամիլ Ուսուբովի հետ հանդիպման ավարտից հետո:

Ներքին գործերի նախարարի հայտարարությամբ, կողմերը զրուցել են կազմակերպված հանցանքի դեմ պայքարում համագործակցության, սահմանային հսկողության հզորացման և թմրանյութի տեղափոխման դեմ արդյունավետ պայքարի մեխանիզմների մասին:

«Իմ գործընկերոջ հետ ունեցա հանդիպում: Հետագայում կունենանք առավել մանրամասն քննարկումներ: Մեզ համար շատ կարևոր է վերահսկել թմրանյութերի թրաֆիկը»,- հայտարարել է Գիորգի Գախարիան:

Վրաստանի ներքին գործերի նախարարը մեկնաբանում է, որ թմրանյութի թրաֆիկը լուրջ մարտահրավեր է և այդ ուղղությամբ ելքը միայն տրանսսահմանային համագործակցությունն է:

Գիորգի Գախարիան և Ռամ Ուսուբովը քննարկել են նաև տարածաշրջանային անվտանգության և զբոսաշրջիկների հոսքի տեղաշարժման հետ կապված հարցեր:

Գիորգի Գախարիան Բաքվում է Վրաստանի վարչապետ Մամուկա Բախտաձեի հետ պաշտոնական այցի շրջանակներում: