«ABC» հեռուստաընկերությունը հրապարակել է ԱՄՆ նախագահի թեկնածուների բանավեճի կանոնները։ Դոնալդ Թրամփի և Քամալա Հարիսի բանավեճը տեղի կունենա սեպտեմբերի 10-ին։

Ըստ հեռուստաալիքի լրագրողների, բանավեճը կանցկացվի Ֆիլադելֆիայի Ազգային սահմանադրական կենտրոնում։ «World News Tonight»-ի հաղորդավար և գլխավոր խմբագիր Դեյվիդ Մյուրը և «Prime»-ի հաղորդավար Լինսի Դևիսը կլինեն մոդերատորներ: Բանավեճը չի ներառում հանդիսատեսի ներկայությունը և կտևի 90 րոպե, իսկ խոսափողը կմիանա միայն այն թեկնածուի համար, ում հերթը կլինի։ Հարցեր տալու իրավունք կունենան միայն մոդերատորները։

Ինչպես նշել են լրագրողները, թեկնածուները ներածական խոսք չեն ունենա, իսկ եզրափակիչ ելույթները յուրաքանչյուր թեկնածուի համար կտևեն երկու րոպե։ Յուրաքանչյուր հարցին պատասխանելու ժամանակը նույնպես կսահմանափակվի երկու րոպեով, ևս երկու րոպե հակառակորդի հայտարարությունը հերքելու և ևս մեկ րոպե ճշտելու, պարզաբանելու կամ պատասխանելու համար: Թեկնածուները բանավեճի ժամանակ կանգնելու են ամբիոնների մոտ։ Յուրաքանչյուր թեկնածուի կտրվի գրիչ, նոթատետր և ջրի շիշ:

Թեկնածուների նախընտրական շտաբի ներկայացուցիչները գովազդային ընդմիջումների ժամանակ չեն կարողանա շփվել թեկնածուների հետ։ Միաժամանակ, հեռուստաալիքի ծանուցման մեջ նշված չէ՝ թեկնածուները համաձայնե՞լ են այս կանոններին, թե՞ ոչ։