Աբբաս Արաղչի. Թրամփի նոր սպառնալիքները միայն կհանգեցնեն ևս մեկ ձախողման, ԱՄՆ տնտեսական ահաբեկչությունը սպառնում է համաշխարհային տնտեսությանը և ինքնիշխանությանը ամբողջ աշխարհում

Իրանի արտաքին գործերի նախարար Աբբաս Արաղչին Դոնալդ Թրամփի սպառնալիքը՝ Իրանի նկատմամբ կործանարար տնտեսական պատժամիջոցներ կիրառելու, անվանել է «ուշադրությունը շեղելու փորձ» և ասել է, որ նման քայլը «կհանգեցնի ևս մեկ ձախողման»։

«Այսպես կոչված «տնտեսական D-Day»-ը փորձ է շեղելու ուշադրությունը Ամերիկայի սեփական ճգնաժամից՝ աննախադեպ ազգային պարտքից և աճող տոկոսային ծախսերից», – գրել է Արաղչին սոցիալական ցանցերում։

ԱՄՆ ֆինանսների նախարարության տվյալներով՝ երկրի ազգային պարտքը հասել է ռեկորդային 40 տրիլիոն դոլարի, ինչը, ըստ Իրանի արտաքին գործերի նախարարի, վկայում է ծանր իրավիճակի մասին։

«Ձախողված քաղաքականության կրկնապատկումը կհանգեցնի միայն ևս մեկ ձախողման և իրանցի ժողովրդի կողմից ավելի մեծ թշնամանքի։ ԱՄՆ տնտեսական ահաբեկչությունը սպառնում է համաշխարհային տնտեսությանը և ինքնիշխանությանը ամբողջ աշխարհում», – ասել է Արաղչին։