«Արևելյան համագործակցության» հինգերորդ գագաթնաժողովը բացվելու է այսօր, Բրյուսելում, Թբիլիսիի ժամանակով 11:30-ին: Դրան ներկա են գտնվելու Եվրամիության անդամ երկրների առաջնորդները և ծրագրի մասնակից վեց երկրների՝ Վրաստանի, Ուկրաինայի, Մոլդովայի, Բելառուսի, Ադրբեջանի և Հայաստանի կառավարությունների անդամները: Միջոցառմանը խոսքով ելույթ է ունենալու Վրաստանի վարչապետ Գիորգի Կվիրիկաշվիլին:

Ինչպես ասվում է գագաթնաժողովից առաջ տարածած մամլո ասուլիսում, գագաթնաժողովին խոսելու են ապագա համագործակցության մասին:

Առաջնահերթ է անվանվել 4 հարց.

1. Հզոր տնտեսություն, որը նկատի ունի էկոնոմիկայի զարգացում և շուկայի հնարավորությունների կիրառում
2. Հզոր կառավարում, որը նկատի ունի պետական ինստիտուտների հզորացում
3. Հզոր կապեր, որը տրանսպորտի և էներգետիկայի ոլորտում համագործակցության հետ է կապված
4. Հզոր հանրություն, որը վերաբերում է քաղաքացիների միջև կապերի ամրապնդմանը:

Այս առաջնահերթությունների համաձայն, սահմանված է 20 խնդիր, որոնք գործընկերները պետք է լուծեն մինչև 2020 թվականը: