760 մարդ է տուժել Հորդանանի արևմտյան ափին տեղի ունեցած բախումների ընթացքում
12:40, 09.12.2017
Վերջին տվյալներով՝ երկու պաղեստինցի զոհվել է, 760-ը՝ վիրավորվել իսրայելական ուժերի հետ բախումների ժամանակ: Բախումները տեղի են ունեցել Միացյալ Նահանգների որոշման `Երուսաղեմը որպես Իսրայելի մայրաքաղաք ճանաչելու հետեւանքով զանգվածային ցույցերի օրվա ընթացքում: Այս մասին ուրբաթ հայտնել են տեղական բժշկական ծառայությունների ներկայացուցիչները:
Իսրայելական զինվորականները հաշվարկել են, որ Հորդանան գետի Արեւմտյան ափին եւ Գազայի հատվածի սահմաններին մոտ 7.5 հազար մարդ մասնակցել է խռովություններին:
Կարմիր մահիկի մամուլի քարտուղար Իրաբ ալ Ֆուկախան ասել է, Արեւմտյան ափին, Գազայի հատվածում եւ Երուսաղեմում ցույցերի օրը ավելի քան 760 մարդ վիրավորվել է, այդ թվում, մոտ 60 մարդ հրազենային վնասվածքներ է ստացել:
