Ծաղկեպսակներ և մոմեր «Լեոգրանդ» հյուրանոցի մոտ (Լուսանկարներ, Տեսանյութ)
Բաթումիում, «Լեոգրանդ» հյուրանոցի մոտ առավոտից այցելում են քաղաքացիներ: Հրդեհի ժամանակ զոհված մարդկանց հիշատակը հարգելու նպատակով նրանք հյուրանոցի մուտքի մոտ դնում են ծաղկեպսակներ և մոմեր:
Հյուրանոցի տարածք էր այցելել նաև Աջարիայի ինքնավար հանրապետության կառավարության նախագահ Զուրաբ Պատարաձեն:
Հիշեցնենք, «Լեոգրանդ» հյուրանոցում հրդեհի հետևանքով զոհվել է Վրաստանի 10 և Իրանի մեկ քաղաքացի:
ՆԳՆ-ի լրատվությամբ հրդեհի արդյունքում հիվանդանոց է տեղափոխվել 21 մարդ, բարեբախտաբար նրանց կյանքին վտանգ չի սպառնում: Տուժածների թվում կա ՆԳՆ-ի արտակարգ իրավիճակների կառավարման գործակալության մեկ հրշեջ-փրկարար:
Դեպքի կապակցությամբ հարուցվել է քրեական գործ Վրաստանի քրեական օրենսգրքի 243-րդ հոդվածի երրորդ մասով, ինչը նշանակում է հրդեհային անվտանգության նորմերի խախտում, որի արդյունքում զոհվել են մարդիկ:
Հրդեհը առաջացել էր նոյեմբերի 24-ի երեկոյան ժամը 20:00-ին:
Հեղինակ -
Edgar Barsegyan