Վրաստանի ՆԳՆ համակարգում հաշմանդամների իրավունքների պաշտպանության գործողությունների ծրագրով նախատեսված խնդիրների կատարման նպատակով առաջին փուլում պարեկային ծառայության միասնական սպասարկման կենտրոնում ներդրվել են ժեստերի լեզվի ծառայություններ, որը ապահովում է պարեկային ոստիկանության 50 ծառայությունների հասանելիությունը խուլ քաղաքացիների համար: Տեղեկությունը տարածում է ՆԳՆ-ն։

Գերատեսչության տվյալներով՝ միասնական սպասարկման կենտրոնի տեսուչները վերապատրաստվել են հաշմանդամների սպասարկման առանձնահատկություններում և ժեստերի լեզվում, և ստեղծվել է հաշմանդամների սպասարկման ստանդարտ, որի միջոցով մատուցվում են ծառայություններ։

«Նշենք, որ պարեկային ոստիկանության վարչության վարչական շենքը հարմարեցված է հաշմանդամների կարիքներին։ Մասնավորապես, գործում է վերելակ՝ հաշմանդամի սայլակով մարդկանց համար, իսկ տեսողության խնդիրներ ունեցող (կույր, թույլ տեսողություն ունեցող) քաղաքացիների համար՝ շոշափելի ուղիներ, որոնց միջոցով նշված կատեգորիայի քաղաքացին մտնում է միասնական սպասարկման կենտրոնի տարածք։

Ներքին գործերի նախարարության ոստիկանական ծառայությունների հասանելիությունը բարձրացնելու նպատակով պարեկային ոստիկանության բաժանմունքի հեռախոսային սպասարկման կենտրոնում ներդրվել է տեսազանգերի ծառայության մոդել խուլ անձանց համար, որը ապահովում է պարեկային ոստիկանության 50 ծառայությունների հասանելիությունը խուլ քաղաքացիների համար: Ծառայությունը մատուցում է միասնական սպասարկման կենտրոնի տեսուչը, որը վերապատրաստված է և տիրապետում է ժեստերի լեզվին։

Տեսազանգերի ծառայություններ ստանալու համար խուլ անձը պետք է զանգահարի հետևյալ հեռախոսահամարով +995 577 77 51 91, ստացված զանգերը ձայնագրվում են։

Ներքին գործերի նախարարության պարեկային ոստիկանության վարչությունը մշտապես հոգ է տանում հաշմանդամների սպասարկման բարելավման մասին՝ ստեղծելով ներառական և հավասար միջավայր»,- նշվում է ՆԳՆ հաղորդագրության մեջ։