2022 թվականի հունվար-փետրվարին տասը խոշոր արտահանող երկրների մասնաբաժինը Վրաստանի ընդհանուր արտահանման մեջ կազմել է 78,0 տոկոս։

Վրաստանի արտաքին առևտրի վերաբերյալ նախնական տվյալները հրապարակում է Ազգային վիճակագրական ծառայությունը։

Վիճակագրության ծառայության նախնական տվյալներով, Չինաստանը զբաղեցնում է առաջին տեղը արտահանման առաջին եռյակում՝ 95,4 մլն. ԱՄՆ դոլարով։ Երկրորդ տեղում Ռուսաստանն է՝ 92,9 մլն. դոլար, իսկ երրորդը Ադրբեջանը՝ 92,3 մլն. ԱՄՆ դոլարով։

Ինչ վերաբերում է ներմուծմանը, ապա, ըստ գործակալության, այս տարվա հունվար-փետրվարին Վրաստանի ներմուծման ընդհանուր ծավալում տասը խոշոր ներմուծող գործընկեր երկրների մասնաբաժինը կազմել է 64,0 տոկոս։ Լավագույն եռյակում է Թուրքիան՝ 295,5 մլն. ԱՄՆ դոլարով, Ռուսաստանը՝ 181,8 մլն. դոլարով և Ադրբեջանը՝ 156,5 մլն. ԱՄՆ դոլարով։

Միևնույն ժամանակ, ըստ ծառայության հաշվետվության, 2022 թվականի հունվար-փետրվարին ապրանքախմբերի արտահանման առաջին տասնյակում առաջին տեղը զբաղեցրել են պղնձի հանքաքարերն ու խտանյութերը՝ 156,3 մլն. ԱՄՆ դոլարով, որը կազմում է ընդհանուր արտահանման 20,6 տոկոսը: Երկրորդ տեղում է ֆեռոհամաձուլվածքները՝ 100,5 մլն. դոլար, մինչդեռ երրորդ տեղում ավտոմեքենաներն են՝ 72,6 մլն. ԱՄՆ դոլարով։