2022 թվականի հունվար-մարտին տասը խոշոր արտահանող երկրների մասնաբաժինը Վրաստանի ընդհանուր արտահանման մեջ կազմել է 77,2 տոկոս։ Վրաստանի արտաքին առևտրի վերաբերյալ նախնական տվյալները հրապարակում է Ազգային վիճակագրական ծառայությունը։

Ըստ ծառայության նախնական տվյալների՝ Չինաստանը զբաղեցնում է առաջին տեղը արտահանման խոշորագույն եռյակում՝ 220,0 մլն. ԱՄՆ դոլարով, Ադրբեջանը՝ 125,4 մլն. դոլար և Ռուսաստան՝ 109,8 մլն. ԱՄՆ դոլարով։

Ինչ վերաբերում է ներմուծմանը, ապա, ըստ գործակալության, հունվար-մարտին Վրաստանի ներմուծման ընդհանուր ծավալում տասը խոշոր ներմուծող գործընկեր երկրների մասնաբաժինը կազմել է 65,1 տոկոս։ Լավագույն եռյակում է Թուրքիան՝ 463,2 մլն. ԱՄՆ դոլարով, Ռուսաստանը՝ 273,5 մլն. դոլարով և Չինաստանը՝ 241,9 մլն. ԱՄՆ դոլարով։

Միևնույն ժամանակ, ըստ Վիճակագրության ծառայության հաշվետվության, 2022 թվականի հունվար-մարտ ամիսներին ապրանքախմբերի արտահանման առաջին տասնյակում առաջին տեղը զբաղեցրել են պղնձի հանքաքարերը և խտանյութերը՝ 271,1 մլն. ԱՄՆ դոլարով, որը կազմում է ընդհանուր արտահանման 23,1 տոկոսը։ Երկրորդ տեղում է ֆեռոհամաձուլվածքները՝ 160,1 մլն. դոլար, մինչդեռ երրորդ տեղում են ավտոմեքենաները՝ 94,9 մլն. ԱՄՆ դոլարով։