Եթե կողմերի միջև կձևակերպվի համաձայնություն, որ 2009 թվականի հունվարի 1-ից մեր աշխատավարձերը կմեծանան, աշխատանքը կսկսենք վաղը առավոտից,-այս մասին լրագրողների հետ զրույցում հայտարարել է մետրոի գործադուլ անող մեքենավար Զազա Բարբաքաձեն:
Նրա խոսքերով, այս հարցի շուրջ մեքենավարների և քաղաքապետարանի ներկայացուցիչների միջև գոյություն ունի հաղորդակցություն:
«Մենք չենք բարձրացրել հարցը, որ աշխատավարձերը մեծանան այսօր, սակայն ստորագրված փաստաթուղթ պետք է լինի, որ 2019 թվականին լինի այն, ինչ պահանջում ենք: Երեկ եկել էին քաղաքապետը և փոխքաղաքապետը և բացատրել իրավիճակը, մարդիկ հասկացել են: Սակայն մենք պահանջում ենք ստորագրված փաստաթուղթ: Եթե այս համաձայնությունը ձեռք բերվի, ապա աշխատանքը կսկսենք վաղը առավոտից: Չնայած չեմ կարծում, որ աշխատանքը սկսեն ժամը 06:00-ից, որովհետև մեքենավարները հացադուլից հետո պետք է հանգստանան»,-հայտարարել է Զազա Բարբաքաձեն:
Թբիլիսիի մետրոպոլիտենը արդեն երկու օր է չի աշխատում: Թբիլիսիի քաղաքապետի և մեքենավարների միջև երեկ ուշ գիշերին կայացել է հանդիպում, որը ավարտվել է առանց կոնկրետ որոշումների: Ինչպես հայտարարել է մեքենավարներից մեկը, քաղաքապետի առաջարկը, որ աշխատավարձերի բարձրացման մասին քաղաքապետարանը քննարկումներ կսկսի 2019 թվականից, իրենց համար անընդունելի է:
