2012 թվականից ի վեր առաջին անգամ Դամասկոսում ԱՄՆ դեսպանի նստավայրի վրա բարձրացվեց Միացյալ Նահանգների դրոշը
ԱՄՆ-ի Սիրիայի հարցերով հատուկ ներկայացուցիչ Թոմաս Բարաքը կիրակի օրը ԱՄՆ դրոշը բարձրացրել է Դամասկոսում ԱՄՆ դեսպանի նստավայրի վրա, ինչը առաջին անգամն է դեսպանատան 2012 թվականին փակվելուց ի վեր, հաղորդում է Reuters-ը։
Քայլը կատարվել է ԱՄՆ նախագահ Դոնալդ Թրամփի և Սիրիայի նախագահ Ահմեդ ալ-Շարաայի Ռիադում հանդիպումից և Թրամփի վարչակազմի կողմից Սիրիայի նկատմամբ պատժամիջոցների մեղմացումից երկու շաբաթ անց։
ԱՄՆ-ն Դամասկոսում իր դեսպանատունը փակել է 2012 թվականին՝ նախագահ Բաշար ալ-Ասադի դեմ բողոքի ցույցերից և զինված հակամարտության սկսվելուց մեկ տարի անց։ Թոմաս Բարաքը, որը Թուրքիայում ԱՄՆ դեսպանն է, մայիսի 23-ին նշանակվել է Սիրիայի հարցերով ԱՄՆ հատուկ ներկայացուցիչ։ Սա նրա առաջին պաշտոնական այցն է Սիրիա։
Համեմատության համար նշենք, որ ալ-Շարաա իսլամիստական խմբավորման՝ «Հայաթ Թահրիր ալ-Շամի» գլխավորած ապստամբները 2024 թվականի դեկտեմբերին տապալել են Բաշար Ասադի ռեժիմը։