Վրաստանի գլխավոր դատախազ Գիորգի Գվարակիձեն հանդիպել է Վրաստանում ԱՄՆ-ի փոխդեսպանի պաշտոնակատար Մարկ Նորդբերգի հետ։
Դատախազության տվյալներով՝ հանդիպման ժամանակ ԱՄՆ-ի փոխդեսպանի պաշտոնակատարը շնորհակալություն է հայտնել գլխավոր դատախազին սերտ համագործակցության համար, որի արդյունքում Վրաստանի քաղաքացիների ԱՄՆ անօրինական մուտքի և փաստաթղթերի կեղծման փաստերի համատեղ քննության արդյունքում Վրաստանի դատախազության և ԱՄՆ դեսպանատան տարածաշրջանային անվտանգության ծառայության կողմից բացահայտվել են կազմակերպված հանցավոր խմբեր, և մի քանի անձինք ենթարկվել են քրեական պատասխանատվության։
Նրանց խոսքով՝ կողմերը քննարկել են նաև տարբեր հանցագործությունների դեմ պայքարի համատեղ միջոցառումները և համագործակցության կարևոր ոլորտները։
Գլխավոր դատախազությունում կայացած հանդիպմանը մասնակցել են գլխավոր դատախազի տեղակալ Ամիրան Գուլուաշվիլին, միջազգային հարաբերությունների և իրավական աջակցության վարչության պետ Գիորգի Միկավան, ԱՄՆ դեսպանատան իրավապահ մարմինների կցորդ Ալեքս Թիգը, թմրանյութերի դեմ պայքարի պետական և միջազգային բյուրոյի գրասենյակի ղեկավար Ջեյմի Շաֆելբերգերը և արդարադատության ծրագրի համակարգող Եկատերինե Փոփխաձեն։
«Հանդիպման ավարտին կողմերը շեշտեցին փոխադարձ համագործակցության կարևորությունը և հայտնեցին իրենց պատրաստակամությունը ապագայում այն ավելի խորացնելու համար», – ասվում է Վրաստանի գլխավոր դատախազության հայտարարության մեջ։