ԱՄՆ զինված ուժերը հարձակվել են Խաղաղ օվկիանոսի արևելքում գտնվող թմրանյութեր տեղափոխող նավի վրա
ԱՄՆ զինված ուժերը հարձակվել են Խաղաղ օվկիանոսի արևելյան մասում գտնվող թմրանյութերի ապօրինի շրջանառությամբ զբաղվող նավի վրա՝ սպանելով երեք մարդու, հաղորդում է Reuters-ը։
«Հետախուզությունը հաստատել է, որ նավը շարժվում էր Խաղաղ օվկիանոսում թմրանյութերի ապօրինի շրջանառության հայտնի երթուղով և ներգրավված էր թմրանյութերի ապօրինի շրջանառության գործողություններում», – ասվում է ԱՄՆ զինված ուժերի հայտարարության մեջ։
Զինվորականների տվյալներով՝ գործողության ընթացքում սպանվել են «երեք նարկոահաբեկիչներ»։
Հայտարարության մեջ նաև ընդգծվում է, որ ԱՄՆ զինված ուժերի շարքերում զոհեր չկան, և զինծառայողներ չեն վիրավորվել։
Reuters-ի փոխանցմամբ՝ սա վերջին մի քանի օրերի ընթացքում թմրանյութերի ապօրինի շրջանառությամբ զբաղվող նավերի վրա կատարված երկրորդ հարձակումն է։