ԱՄՆ նախկին նախագահ Դոնալդ Թրամփը քննադատել է փոխնախագահ Կամալա Հարիսին՝ Ֆոքս Նյուս-ի առաջարկած բանավեճից հրաժարվելու համար։ Իր սոցիալական ցանցում հրապարակված հայտարարության մեջ Դոնալդ Թրամփը նշում է, որ Հարրիսն ունի «ցածր IQ» և չունի «մտավոր կարողություն»՝ բանավիճելու Թրամփին։

«Կամալա Հարիսը մտավոր կարողություն չունի սեպտեմբերի 4-ին Փենսիլվանիայում իմ դեմ իրական բանավեճի համար: Նա վախենում է դա անել, քանի որ չի կարող արդարացնել իր կոռուպցիան և բաց սահմանները, մեր երկրի շրջակա միջավայրի ոչնչացումը, Աֆղանստանի ամոթը, գնաճը, սարսափելի տնտեսությունը, բարձր տոկոսադրույքներն ու հարկերը»,- գրել է Դոնալդ Թրամփը սոցցանցում։

Ամերիկայի նախկին նախագահի խոսքով՝ ինքը կա՛մ սեպտեմբերի 4-ին բանավեճ կանցկացնի Հարիսի հետ, կա՛մ ընդհանրապես բանավեճ չի լինի։

«Քամալա Հարիսը ճանաչվել է պատմության մեջ ամենավատ փոխնախագահը, ով շատ լավ է վարվում վատագույն նախագահի՝ խաբեբա Ջո Բայդենի դեմ։ Այս երկու ցածր IQ անհատների համադրությունը կործանեց մեր երկիրը, բայց մենք Ամերիկան ​​դարձյալ մեծ դարձրինք»,- հավելել է Թրամփը։

Տեղեկության համար՝ ԱՄՆ նախկին նախագահ և նախագահի թեկնածու Դոնալդ Թրամփը համաձայնել է «Fox News»-ի առաջարկին՝ բանավեճի փոխնախագահ Կամալա Հարիսի հետ, թեև Հարրիսը մերժել է առաջարկը։ Մինչ այդ նախագահի թեկնածուների բանավեճը նախատեսվում էր հեռարձակել ABC հեռուստաընկերությամբ սեպտեմբերի 10-ին, սակայն այն բանից հետո, երբ Ջո Բայդենը հանեց իր թեկնածությունը ընտրություններից, այդ բանավեճի անցկացման հարցը անհասկանալի դարձավ։ Հարրիսը համաձայն է, բանավեճը կրկին կհեռարձակվի սեպտեմբերի 10-ին ABC հեռուստաալիքով: