101-ամյա գեներալ Ռադու Թեոդորուն հայտնվում է Ռումինիայում հեղաշրջման փորձի գործով
Ռումինիայում հեղաշրջման փորձի գործով հետաքննվում է 101-ամյա պաշտոնաթող զինվորական գեներալ Ռադու Թեոդորուն։ Այս մասին հայտնում է Financial Times-ը։
Ըստ տեղեկությունների՝ քննիչներն արդեն եղել են Ռադու Թեոդորուի տանը, թեև նա ձերբակալվածների թվում չէ։
Ըստ լրատվամիջոցների՝ պաշտոնաթող գեներալ-մայոր Ռադուն Ռումինիայում հայտնի է իր կատաղի հակասեմիտիզմով։
Դատախազությունը պնդում է, որ պետական հեղաշրջման նպատակով ստեղծված դավադիրների խումբը ստեղծվել է որպես օրինական կազմակերպություն և ունեցել է ռազմական տիպի կառույց։ Ռումինիայի դատախազությունը հայտնում է, որ ձերբակալվել է 6 մարդ, ովքեր եղել են այս խմբի անդամներ։ Նրանց նպատակն էր խարխլել Ռումինիայի ինքնիշխանությունն ու անկախությունը և ազդել երկրի պաշտպանունակության վրա:
Գործակալության տվյալներով՝ 2023 թվականին ստեղծված խմբի անդամները ծրագրում էին իշխանության բերել նոր կառավարություն, ոչնչացնել գործող սահմանադրական կարգը և փոխել Ռումինիայի ազգային դրոշը, օրհներգը և անունը։