Չունենք որևէ լծակ, որպեսզի ստիպենք ռուսական կողմին, ընդունել այս կամ այն որոշումը վիզային ռեժիմի առնչությամբ, սա ամբողջությամբ նրանց իրավասությունն է, եթե Ռուսաստանը ունենա նախաձեռնություն և այս թեմայով զրուցելու ցանկություն, ապա մենք պատրաստ ենք զրուցել,- այս մասին հայտարարել է Ռուսաստանի հետ հարաբերությունների հարցերով Վրաստանի վարչապետի հատուկ ներկայացուցիչ Զուրաբ Աբաշիձեն, Պրահայում Ռուսաստանի արտաքին գործերի նախարարի տեղակալ Գրիգորի Կարասինի հետ հանդիպումից առաջ:
Աբաշիձեի մեկնաբանմամբ, Վրաստանը Ռուսաստանը քաղաքացիների համար չեղարկել է վիզայի պահանջները և զբոսաշրջության աջակցության նպատակով, այլ երկրների քաղաքացիների նման, Ռուսաստանի քաղաքացիները մեկ տարվա ընթացքում կարող են մնալ Վրաստանում:
Ռուսական կողմը 2016 թվականին մասամբ հեշտացրել էր վիզային ռեժիմը Վրաստանի քաղաքացիների համար:
Նշենք, որ վաղը, նոյեմբերի 16-ին, Պրահայում, անցկացվելու է Ռուսաստանի հետ հարաբերությունների հարցերով Վրաստանի վարչապետի հատուկ ներկայացուցիչ Զուրաբ Աբաշիձեի և Ռուսաստանի արտաքին գործերի նախարարի տեղակալ Գրիգորի Կարասինի հերթական հանդիպումը:
