Կիևի Բորիսպոլ օդանավակայանում սահմանին պահել են Վրաստանի նախկին նախագահ Միխեիլ Սաակաշվիլիի կրտսեր որդուն՝ Նիկոլոզին Վրաստանի Պետական պահպանության ծառայության աշխատակցի հետ միասին:
Սաակաշվիլին իր ֆեյսբուքյան էջում գրել է, որ նրանք ունեն սահմանը հատելու համար անհրաժեշտ փաստաթղթերը, սակայն իրենց արդեն երկու ժամ է՝ պահում են առանց պատճառը բացատրելու:
Ավելի ուշ Սաակաշվիլին իր ֆեյսբուքյան էջում գրել է, որ Նիկոլոզին վերադարձրել են:
«Վերջապես տվեցին ավիաընկերության ներկայացուցչի միջոցով, կարծես նա դեռահաս չէ, այլ ինչ-որ ծանրոց: Բայց մինչ ես այնտեղ կանգնած էի, ամենաթողության և օրենքի խախտման շատ այլ պատմություններ լսեցի մի քանի այլ ուղևորներից, ուստի եթե անօրինականությունը միայն ինձ վերաբերեր, ես այսպես հրապարակայնորեն չէի պատասխանի»,- գրել է Սաակաշվիլին:
