Ռուսաստանի ՊՆ-ն համակարգչային խաղից հանված լուսանկարը ներկայացրել է որպես ԱՄՆ ու ԻՊ համագործակցության ապացույց
15:05, 15.11.2017
Ռուսաստանի Պաշտպանության նախարարությունը Ֆեյսբուքի և Թվիթերի պաշտոնական էջերում լուսանկարներ է հրապարակել՝ ներկայացնելով դրանք որպես ԱՄՆ և Իսլամական պետության համագործակցության անվիճելի ապացույցներ: Լուսանկարները, ըստ ՌԴ ՊՆ-ի, արվել են ռուսական դրոնից:
Conflict Intelligence Team խմբի հետազոտողները պարզել են, որ այդ լուսանկարները AC-130 Gunship Simulator: Special Ops Squadron համակարգչային խաղից արված սքրինշոթեր են: Կադրերի մի մասն էլ վերցված են 2016 թվականին Ֆալուջա քաղաքում Իրաքի բանակի ռազմական գործողություններից: Այս տեղեկության հրապարակումից հետո Ռուսաստանի ՊՆ-ն ջնջել է լուսանկարները:
