Ռումինիայի խորհրդարանի ստորին պալատն ընդունել է Մոլդովայի հետ միավորման մասին օրինագիծը
Ռումինիայի խորհրդարանի ստորին պալատն ընդունել է Ռումինիայի և Մոլդովայի միավորման մասին օրինագիծը, որը ներկայացրել էր եվրախորհրդարանական Դիանա Շոշոակեն։
Ռումինական լրատվամիջոցների հաղորդմամբ՝ Շոշոակեի օրենսդրական նախաձեռնությունը Պատգամավորների պալատ է ներկայացվել այս տարվա փետրվարին։
Հատկանշական է, որ օրինագիծն անցել է այսպես կոչված «լռելյայն ընդունման» ընթացակարգով, որի համաձայն՝ օրինագիծն ավտոմատ կերպով ընդունված է համարվում, եթե 45 օրվա ընթացքում այն չի քննարկվել և չի մերժվել լիագումար նիստում։
Պատգամավորների պալատի որոշումը վերջնական չէ։ Օրինագիծն այժմ քննարկման կուղարկվի Սենատ, որը հանդիսանում է Ռումինիայի խորհրդարանի վերին պալատը։ Եթե Սենատը չհաստատի նախաձեռնությունը, օրինագիծը չի կարող ուժի մեջ մտնել։