«Հեզբոլլահի» առաջնորդը մերժում է Իսրայել-Լիբանան համաձայնագիրը. Սա անցնում է կարմիր գիծը, մենք չենք լքել մարտադաշտը նույնիսկ ամենադժվարին հանգամանքներում, և հիմա էլ չենք լքի այն
«Հեզբոլլահի» առաջնորդ Նաիմ Քասեմը մերժել է ԱՄՆ-ի միջնորդությամբ Իսրայելի և Լիբանանի միջև կնքված խաղաղության համաձայնագիրը։
Նայիմ Քասեմը համաձայնագիրը անվանել է «անվավեր» և մեղադրել Լիբանանի կառավարությանը միակողմանի զիջումների և երկրի ինքնիշխանությունը խախտելու մեջ։
«Սա անցնում է բոլոր կարմիր գծերը։ Մենք չենք լքել մարտադաշտը նույնիսկ ամենադժվարին հանգամանքներում և հիմա էլ չենք լքի այն», – ասել է Նաիմ Քասեմը։
Նա ասել է, որ հակամարտության ավարտի հիմքը պետք է լինի այս ամսվա սկզբին Իրանի և ԱՄՆ-ի միջև կնքված հուշագիրը, որը, նրա խոսքով, կապահովի Լիբանանի տարածքային ամբողջականությունը, այլ ոչ թե Վաշինգտոնում ստորագրված նոր համաձայնագիրը։
հունիսի 26-ին ԱՄՆ պետքարտուղար Մարկո Ռուբիոն Վաշինգտոնում կայացած բանակցություններից հետո հայտարարեց Իսրայելի և Լիբանանի միջև շրջանակային համաձայնագրի մասին։ Համաձայնագիրը ստորագրել են ԱՄՆ-ում Իսրայելի և Լիբանանի դեսպանները։