Անհայտ անձը արտակարգ ծառայությանը տեղեկացրել է Պուտինի ավտոշարասյան ճանապարհին 50 պայթուցիկ սարք տեղադրելու մասին
Անհայտ անձը արտակարգ ծառայությանը տեղեկացրել է Պուտինի ավտոշարասյան ճանապարհին 50 պայթուցիկ սարք տեղադրելու մասին

Հեռախոսային ահաբեկիչները ահազանգել են մոտ 50 պայթուցիկ սարքի վերաբերյալ, որոնք իբր տեղադրված են եղել Պետերբուրգում, այդ թվում և այն շինություններում, ուր պետք է այցելեր ՌԴ նախագահ Վլադիմիր Պուտինը:

Այդ ահազանգերից և ոչ մեկը, սակայն, չի հաստատվել: ՌԴ նախագահի մամուլի խոսնակ Դ. Պեսկովի խոսքերով՝ նախագահի այցելությունների գրաֆիկը դրանից չի տուժել:

Պեսկովը հայտնել է, որ մոտ 60 զանգ է եղել, անվտանգության աշխատակիցները ամեն ինչ պատշաճ կերպով իրականացրել են՝ աշխատելով լրացուցիչ անհարմարություններ չստեղծել քաղաքացիների համար: Նա նաև ճշտել է, որ ահաբեկիչների անձը դեռ հաստատված չէ, և զանգերի մի մասը արտերկրից է եղել: