Мака Боҷоришвили – Аԥыза-министр Ҟазахстан даҭаараан, аилатәарақәа рҿы астратегиатә партниорратә усеицура, еиуеиԥшым ахырхарҭақәа ирылацәажеит

Мака Боҷоришвили – Аԥыза-министр Ҟазахстан даҭаараан, аилатәарақәа рҿы астратегиатә партниорратә усеицура, еиуеиԥшым ахырхарҭақәа ирылацәажеит.

Қырҭтәыла аԥыза-министр ихаҭыԥуаҩ, адәныҟатәи аусқәа рминистр Мака Боҷоришвили Қырҭтәыла аԥыза-министр Ҟазахстантәи Ареспубликахь иҟаиҵаз аҭаара далацәажәеит. Бочоришвили иажәақәа рыла, Ҟазахсҭан имҩаԥысуаз иреиҳау аҩаӡара змоу аиԥыларақәа раан, Қырҭтәылеи Ҟазахсҭани ирыбжьоу астратегиатә еиҩызара аҳәаақәа ирҭагӡаны аусеицура арҵаулареи, иара убас, аусеицура ахырхарҭа хадақәа рыҭареи ҷыдала ахшыҩзышьҭра рыҭан.

Адәныҟатәи аусқәа Рминистрра анаԥхгаҩы ишазгәеиҭаз ала, аҩҳәынҭқаррак рзы ҷыдала астратегиатә ҵакы змоу Абжьаратәи акоридор аҿиара атема хадақәа иреиуоуп аиҿцәажәарақәа.

“Абжьаратәи акоридор аҿиара, ҳәарада, раԥхьатәи аҭыԥ ааннакылоит. Ҟазахстан ари ахырхарҭала Қырҭтәыла аусеицура азы аинтерес ду аанарԥшуеит. Ҳәарада, ҳара Абжьаратәи акоридор аҿиара аҳәаақәа ирҭагӡаны Ҟазахстан аусеицура аҿиара ҳазҿлымҳауп”, – ҳәа иҳәеит Боҷоришвили.

Аԥыза-министр ихаҭыԥуаҩ иажәақәа рыла, аҭаара даҽазныкгьы ишьақәнарӷәӷәеит Қырҭтәылеи Ҟазахсҭани ирыбжьоу аусеицура, иара убасгьы аҩ-ҳәынҭқаррак рыбжьара астратегиатә ҵакы змоу ахырхарҭақәа рҿы аусеицура аҿиара азы агәазыҳәара шрымоу.

“Ҳара ҳалацәажәеит аҩ-ҳәынҭқаррак рыбжьара ахәаахәҭратәи аекономикатәи еизыҟазаашьақәа, аусуратә еизыҟазаашьақәа, ауааи рыбжьара аимадара, акультуратә усеицура, еиуеиԥшым ахырхарҭақәа рҿы аусеицура рзы иҟоу алшарақәа.