«Саломе Зурабишвили аргама илҳәеит аоппозициаа иззеиқәшаҳаҭхо мацара дшадгыло. Иацы иҳаҳаз азы ҳаиқәшаҳаҭны ҳаҟоуп, апарламенттә алхрақәа ҿыцқәеи аполитбаандаҩцәа рхақәиҭтәреи  ада ахаланапхгаратә алхрақәа рҽалархәра иазкны аиқәшаҳаҭхара иҟам», – иҩит апартиа  «Гирчи» алидер Зураб Џьаҧариӡе асоциалтә аҳаҿы.

Џьаҧариӡе иҳәамҭала, иацтәи аҳәамҭақәа иазхом.

«Ахаланапхгаратә алхрақәа рҽалархәразы ашьаҭа ҳазҭо, зынагӡара ҟало егьырҭ аҭагылазаашьақәа иҟазар, арҭ аҭагылазаашьа аргама иаарҧштәуп  (сара макьана уи смаҳацт). Мамзар, ауаа ргәы иаанагар ауеит џьоукы апротест еиқәтәаанӡа иазыҧшуп ҳәа, нас,  „адәахьы акгьы ҳзыҟамҵеит, Сакребуло атрибуна ҳхы иаҳархәап“ ҳәа рҳәоит.

Насгьы, арҭ ахәымгақәа апарламенттә алхрақәа ҿыцқәа рымҩаҧгара рыдазцалаша акгьы иҟам  (Русҭавели имҩадуаҿ апротестқәа рыда). Иацтәи аҳәамҭақәа иазхом. Ари аҭагылазаашьа алҵразы 2 вариантк иҟоуп: апартиақәа азҵаарақәа зегьы рзы еиқәшаҳаҭхароуп, аиааира астратегиа рымазароуп, Саломе Зурабишвили уи атәы аргама илҳәароуп, мамзар, Саломе Зурабишвили лхаҭа аҭакҧхықәра ду лхы иадылҵоит. Сара актәи асценари садгылоит.  Уи азыҳәан исылшо зегьы ҟасҵоит. Мамзар, ҳзеиқәхом ҳәа сгәы иаанагоит», – иҳәеит  Зураб Џьаҧариӡе.