Евроеидгыла иреиҳаӡоу ахаҭарнак  Жозеп Боррель иҳәамҭала, Лиуқсембург еизаз Евроеидгыла адәныҟатәи аусқәа рминистрцәа Қырҭтәыла имҩаҧысуа апроцессқәа ирылацәажәеит.

Боррель ишазгәеиҭаз ала,  Евроеидгыла адәныҟатәи аусқәа рминистрцәа  «Қырҭтәылаҿ атәым анырра аартызаара иазку» азакәан  иадҳәаланы агәынамӡара аадырҧшит.

«Ари азакәан апарламент иалагалан. Атәыла аиҳабыра азакәан дырхынҳәын,  аҩынтәраан ишцәыррымго азы ажәа шьҭарҵеит. Аха, ражәа нарымгӡеит. Иҳаҩсыз амчыбжь азы сареи еврокомиссар Варҳеии аҳәамҭа ҟаҵаны, иаҵшьны иазгәаҳҭеит  ари азакәан Евроеидгыла апринципқәа ишрышьашәалам. Еврокомиссиа ари ахҭыс иадҳәаланы есышықәсатәи аҳасабырба цәырнагароуп, аха, ари азакәан аҩынтәраан апарламент алагалара афакт даараӡа ҳаргәамҵуеит“, — иҳәеит  Жозеп Боррель аилатәара ашьҭахь имҩаҧгаз апресс-конференциаҿы.