««Атәым агентцәа» ирызку азакәан Қырҭтәыла евроинтеграциа иацхраауам, аха, ҳара ҳгәы ҳҽанызароуп, рмилаҭтә цәаныррақәа ҳрылакьысыр ҟалом,   «абызшәа хаа» ҳхы иаҳархәароуп, уи аамҭазы ҳпозициа ҕәҕәазароуп», — иҳәеит Евроеидгыла иреиҳаӡоу ахаҭарнак  Жозеп Боррель.

Иара убас, Боррель  ишазгәеиҭаз ала ,  Қырҭтәыла иалацәажәозар ,  араҟа аартызаара иазку азакәан ауп аус злоу,  аха,  Евроеидгыла аполитика иақәымныҟәо егьырҭ атәылақәагьы иҟоуп ,  иаҳҳәап Сербиа.

««Атәым агентцәа» ирызку азакәан даараӡа ҳаргәамҵуеит.  Ари азакәан Қырҭтәыла евроинтеграциа иацхраауам, ҳара уи раҳҳәахьеит,   аха,  аамҭакала,  ҳара ҳгәы ҳҽанызароуп, рмилаҭтә цәаныррақәа ҳрылакьысыр ҟалом,   «абызшәа хаа» ҳхы иаҳархәароуп, уи аамҭазы ҳпозициа ҕәҕәазароуп.

Қырҭтәыла ҳалацәажәозар,  араҟа аартызаара иазку азакәан ауп аус злоу,  аха,  Евроеидгыла аполитика иақәымныҟәо егьырҭ атәылақәагьы иҟоуп,  иаҳҳәап Сербиа. Ари атәыла Евроеидгыла адәныҟатәи аполитика иашьашәалам,  уигьы иазгәаҭатәуп. Евроеидгыла шәалалар шәҭахызар,   азакәан аиҳаӡареи,   ахақәиҭреи,   адәныҟатәи аполитикеи аганахьала Евроеидгыла апринципқәа шәрықәныҟәалароуп», — иҳәеит  Жозеп Боррель.