Жәларбжьаратәи ареспубликатә институт (IRI) ажәлар ргәаанагара аҭҵаара алҵшәақәа цәырнагеит. Аҭҵаарақәа инрықәыршәаны, ауааҧсыра реиҳара Евроеидгылахь Қырҭтәыла алалара иадгылоит. Иара убас, апресс-релиз ишану ала, ауааҧсыра реиҳара атәылаҿ Урыстәыла атәылауаа рыҟазаара иаргәамҵуеит, аполитикатәи партиақәа рыгәра ргом.

Изызҵааз рҟынтә 85% Қырҭтәыла европатәи аҽазышәарақәа ирықәшаҳаҭуп.

Аҭҵаарақәа инрықәыршәаны, ауааҧсыра реиҳара аполитикатә партиақәа рыгәра ргом.  Ареспондентцәа 15% мацароуп аполитикатә партиақәа рыгәра ҳгоит ҳәа зҳәаз,  42% ишырҳәаз ала, ринтересқәа аазырҧшуа аполитикатә партиакгьы иҟам.

IRI адыррала, аҭҵаарақәа мҩаҧган  2022 шықәса цәыббра 13 инаркны жьҭаара 2-нӡа. Адыррақәа еизган хазхаҭалатәи аинтервиуқәа рыла. Аҭҵаарақәа ирылахәын зықәра наӡоу  1500ҩык ареспондентцәа.

Аҭҵаарақәа рымҩаҧгара иацхрааит Жәларбжьаратәи аҿиаразы америкатә агентра.