Аӡәы ахақәиҭреи адемократиеи шәымхра иҽазикит, шәтәыла шәымхра, Евроеидгылеи НАТОи рылахәызаара шәымхра иҽазикит. Шәгәы кашәмыжьын, ахақәиҭра шәазықәҧа. Шәдемократиа шәазықәҧа. Шәтәыла шәазықәҧа. Евроеидгылеи НАТОи алахәызаара шәазықәҧа, – иҳәеит Лиетува Сеим адәныҟатәи еизыҟазаашьақәа рзы акомитет ахантәаҩы Жигимантас  Павилионис.

Русҭавели имҩаду аҿы имҩаҧгаз аоппозициаа ракциаҿы Павилионис ишиҳәаз ала,  „Евроеидгыла алаларазы Орбан имҩа иҟам“.

„Аурыс гәахәтәы иҟам, европатәи агәахәтәы ауп иҟоу, шәара Европа шәалахәып. Естониатәи амҩа иҟоуп, балтиатәи амҩа, польшатәи амҩа, германтәылатәи амҩа, франциатәи амҩа иҟоуп, аха, шәара Европа шәалаларц азыҳәан зегьы шәреиҕьзароуп. Аплан шәымазароуп, уи нашәыгӡароуп, избанзар, ахақәиҭра иара ахала иааӡом. Уи шәазықәҧароуп, уахгьы-ҽынгьы аус жәуроуп. Ҳара ари амҩаҿ еснагь ҳшәыдгылазаауеит. Шәара Европа шәоуп“, – иҳәеит Павилионис.