Мрагыларатә Балканқәа атәылақәа рлидерцәа  „Блед астратегиатә форум“ аҿы Евроеидгыла арҭбаара азҵаара иалацәажәеит.

Хорватиа аҧыза-министр Андреи Пленковичи албаниатәи иколлега Еди Рамеи  ишырҳәаз ала, Урыстәыла ала Украина ажәылара Балкантәи атәылақәа Евроеидгылашҟа ралалара апроцесс арццакит.

„Аҵыхәтәантәи ашықәсқәа рзы балкантәи атема арлахҿыхра ҳалшеит ҳәа сгәы иаанагоит. Аха, ҳара цқьа еилаҳкаароуп Владимир Путин Евроеидгыла арҭбаара дшацхрааз.  Украина ажәылара акәымзҭгьы, Украинеи, Молдовеи, Қырҭтәылеи мраҭашәара-аладатәи Европеи Мраҭашәаратә Балканқәеи атәылақәа иахьыҟоу акалаҭашҟа  ахаангьы иаҳзиагомызт “, – иҳәеит Пленкович.

Евроеидгыла, ари аиҿкаара иалалар зҭаху Мраҭашәаратә Балканқәа атәылақәа арегионалтә џьармыкьа аҧҵареи азеиҧш европатәи аџьармыкьашҟа аинтеграциеи рылшарц азыҳәан,   ф-миллиард евро ала ирыцхраауеит.