ЕАШ еиҭа агәынамӡара аанарԥшуеит Қырҭтәыла аиҳабыра имҩаԥнаго антидемократиатә ауранагӡара иадҳәаланы, – асоциалтә каҭаҿы илҩит Атәылауаҩратә шәарҭадареи ауаҩытәыҩса изинқәеи рызҵаарақәа рзы Америка аҳәынҭқарратә маӡаныҟәгаҩ ихаҭыҧуаҩ Узра Зеиа Қырҭтәыла аҧыза-министр Иракли Кобахиӡе иҟны аиԥылара ашьҭахь.

Атәылауаҩратә шәарҭадареи ауаҩытәыҩса изинқәеи рызҵаарақәа рзы Америка аҳәынҭқарратә маӡаныҟәгаҩ ихаҭыҧуаҩ лажәақәа рыла, аиҳабыра рахь ааԥхьара ҟалҵоит акурс дыриашарц.

“Аԥыза-министр Кобахиӡе иҟны гәаартылатәи аиԥылара сыман. ЕАШ еиҭа агәынамӡара аанарԥшуеит Қырҭтәыла аиҳабыра имҩаԥнаго антидемократиатә ауранагӡареи, атәым нырра иазку азакәани, ариторикеи ирыдҳәаланы. Ари ЕАШ рҟны еизыҟазаашьақәа ирԥырхагоуп, Евроеидгыла акурс аԥсахроуп”, – илҩит Зеиа.