Узбекистан Ареспублика Ахада Қырҭтәыла даҭааит

22:08, 02.07.2026

Узбекистан Ареспублика Ахада Қырҭтәыла даҭааит.

2026 шықәса аԥхынра мза 2 рзы Узбекистан Аҳәынҭқарра Ахада Шавкат Мирзиоеви уи ицыз аделегациеи аҳәынҭқарратә визитла Қырҭтәылаҟа иааит.

Қырҭтәыла адәныҟатәи аусқәа Рминистрра излаанацҳауа ала, Ареспублика Узбекистан Апрезидент Қарҭ Жәларбжьаратәи аҳаиртә баӷәазаҿы диԥылеит Қырҭтәыла аԥыза-министр ихаҭыԥуаҩ, адәныҟатәи аусқәа рминистр Мака Боҷоришвили.

Аҭаара аҳәаақәа ирҭагӡаны Шавкат Мирзиоев Қырҭтәыла Апрезидент Михаил Ҟавелашвилии аԥыза-министр Иракли Кобахиӡеи дырԥыларц азԥхьагәаҭоуп.

Узбекистан Аҳәынҭқарра Ахада Қырҭтәыла Акзаара азы иҭахаз Афырхацәа Рмемориал аҿы ашәҭшьыҵәрақәа шьҭаиҵоит, иара убасгьы апоет Алишер Навои ибаҟа аартра ацеремониа далахәхоит», – ҳәа аҳәоит Қырҭтәыла адәныҟатәи аусқәа Рминистрра иҟанаҵаз аҳәамҭаҿы.