Аԥсны адепутатцәа рзы ихымԥадатәиу аԥсуа бызшәа адырра иазкны азакәан иалало аԥсахра, аурыс бызшәа адискриминациа ахылҵыр ҟалап, – урыстәылатәи аихқәа ишаарыцҳаз, аюри еиԥш аҳәамҭа ҟаиҵеит Урыстәылатәи Афедерациа аҳәыҭқарратә Дума СНГ азҵаарақәа рзы акомитет ахантәаҩы Леонид Калашников.

“Азакәанԥҵара аус адулара иазкны иҳамоу адыррақәа ҳгәамԥхеит, аформалтә ганахьала урҭ аԥсуа бызшәа адгылара аадырԥшуеит, аха аурыс бызшәа адискриминацианӡа харам”, – иҳәеит Калашников.

Аурыс адепутат иҳәамҭала, Аԥсны, адепутатцәа ралхра иазкы азакәан иалалараны иҟоу аԥсахрақәа рыла, адепутатрахь акандидатцәа аԥсуа бызшәа хымԥада ирдыруазароуп.

“Абри еиԥш аԥшьгарақәа аетникатә аиҿагылара алагара ашәарҭа аадырԥшуеит, аурыс бызшәа астатус иазыԥхьагәаҭаны,” – ааицҳаит Калашников.