«Украина Қырҭтәылеи ақырҭуа жәлари ираҭабууп иуадаҩу аамҭазы иаҳзаадырҧшыз адгыларазы», — иҳәеит  Қырҭтәыла иҟоу Украина ацҳаражәҳәарҭа ахаҭарнак  Андреи Касианов.

Иара иажәақәа рыла, ақырҭуа жәлар есымша аукраин жәлар ирыдгылоит.

Иара убас, Касианов иаҵшьны иазгәеиҭеит иҵегьы асанкциақәа шышьақәыргылатәу.

«Урыстәыла-украинатә еибашьра амшала Украина иалҵны Қырҭтәыла иаҭаауа аукраинаа зегьы абри адгылара рцәа ианыруеит,  адгылара иаҳа иҕәҕәахап ҳәа ҳгәыҕуеит. Ҳаҕа ҳтәылауааи  ҳхәыҷқәеи рышьра наигӡоит. Уажәазы Урыстәыла аизолиациаҿы иҟоуп, аха, уи иазхом, избанзар,  Украина аҭынчуааи ахәыҷқәеи  рышьра нарыгӡоит. Ҳара иаҳа ирацәаны асанкциақәа ҳҭахуп, зегьы рҟынтә, еилых ҟамҵакәа. Иахьа адунеи ҳацымхраар, аҕа егьырҭгьы дрызнеиуеит. Ақырҭуа жәлар ибзиаҵәҟьаны иргәалашәоит ақырҭуааи ақырҭуа ахҵәацәеи рхьааи импыҵахалоу аҵакырадгьылқәеи», — иҳәеит  Андреи Касианов.