Украина Ашәарҭадара ахеилак амаӡаныҟәгаҩ   Алексеи Данилов иҳәамҭала, украинатәи аракетақәа  ацәҟьара ақәхра рылшоит  1000-1500 километр абжьазаараҿы. Иара ари аҳәамҭа ҟаиҵеит Украина арадио аинтервиу аҿы.

«Урыстәылатәи афедерациаҿы ахархәара змоу абџьар Украиноуп иахьыҟаҵоу. Ҳара ҩ-хырхарҭак рыла аус аауеит. Урҭ роуп  2020 шықәсазы ишьақәырҕәҕәаз аракетатә программеи, иара убас, уажәы ҳтәылаҿ активла аҿиара иаҿу адронқәа рааглыхреи, ари апроцесс иалахәып хазхаҭалатәи аилахәырақәа рацәа», — иҳәеит Данилов.

Иара иажәақәа рыла,  «абри зегьы алҵшәа бзиа ахылҵуеит», избанзар, украинатәи арбџьармчқәа  1000-1500 километр абжьазаараҿы ацәҟьара ақәхра рылшоит. Иара убас, украинатәи ачынуаҩ ишиҳәаз ала, Киев Урыстәыла арратә обиектқәа мацара иржәылоит.

«Ҳара азауадқәеи арра-ааглыхратә обиектқәеи ҳаржәылоит, арҭ акомпонентқәа ҳхәыҷқәа рышьра иаҿуп. Ҳара уи аҵыхәа ҧаҳҵәароуп», — иҳәеит  Данилов.