Амилаҭқәа рлигаҿ Албаниа аҵархара  (1:0) ашьҭахь, Қырҭтәыла аизга азыҟаҵаҩ хада Вилли Саниоль ари аматч дахцәажәеит.

„Сгәы ишаанаго ала, ари аматч аҿы ахадаратә ҵакы аман аҧсшьараан ахәмарҩцәеи сареи ҳаицәажәара.  Актәи атаим аҿы иугәамҧхашаз рацәан, аха, ахәмарҩцәа срацәажәеит. Аҩбатәи атаимаҿ агхақәа иришаны, иаҳа активла ажәылара наҳагӡарц ҳаӡбеит. Ҳара  қәнагала аиааира ҳгеит.

Раҧхьатәи атаимаҿ Хвича Кварацхелиа ааха ҕәҕәа иоуит, иара ахьаартәагақәа рыла ахәмарра наигӡон. Хвича дыхәмарҩы ссируп, агәыҧтә хәмарҩы ссируп. Аҵыхәтәантәи 15-20 минуҭ иаҳа активра ҳҭахын, убри аҟынтә, Зурико Давиҭашвили ахәмарра иҽалеигалеит, иара ибзиаӡаны дыхәмарит.

Алигаҿ ахәмаррақәа зегьы уадаҩуп. Жьҭааратәи ахәмаррақәа рҟнынӡа 4 мчыбжьык ҳамоуп. Ахәмарҩцәа рклубқәа рахь ихынҳәуеит,  атравмақәа рымамкәа анеҩстәи аматчқәа ирзыхынҳәыр сҭахуп. Ҳара ҳзы ахәмарҩы цыҧхьаӡа аҵакы ду ианашьоуп. Сара акоуп исҭаху, жьҭааразы арҭ аҷкәынцәа абри аҩызацәҟьа агәалаҟазаара рымазар сҭахуп, абас мацаралоуп қәҿиарала ахәмарра наҳагӡар шҳалшо.

Ақырҭуа ашьапылампыласҩцәа Европа ачемпионатаҿ ирҵаз рацәоуп. Чехиаҟны аматч иаҿаҳарҧшыр, иахьатәи ахәмарра акырӡа иаҳа иуадаҩын. Актәи атаим усҟак иҽеимызт, аха, абри аҩыза ахәмаррақәа роуп ириашатәу ҳзырбо“, – иҳәеит Вилли Саниоль.